Ғылыми кітапхана сіздерге әлемдік ірі электрондық қорлардың қолжетімді болғанын хабарлайды.

Springerlink – биология, экология, медицина, физика, техникалық ғылымдар, математика, информатика, гуманитарлық ғылымдар, экономика бағыттары бойынша ғылыми, техникалық және медициналық мазмұнымен ерекшеленетін (журналдар, кітаптар мен анықтамалық материалдар) әлемдік интерактивті толықмәтінді деректер қоры.

ScienceDirect толықмәтінді дерек қоры келесі бағыттар бойынша кітаптарды қамтиды: микробиология және вирусология, өндірістік биотехнология, биофизика: адам және жануарлар физиологиясы, нейробиология, экологиялық физиология, иммунология, молекулалық иммунология, иммунофизиология, биотехнология негіздері, геномика және протеомика.

Thomson Reuters әлемдік ақпараттық нарықта көшбасшы болып табылады. Thomson Reuters компаниясының ресурстарын пайдалана отырып, сіз жарияланымдардың дәйексөзі жайлы ақпараттарды, сондай-ақ журналдың импакт-факторы жайлы мәліметтерді ала аласыз.

Scopus  – рецензияланған әдебиеттің ең ірі реферативтік және анықтамалық деректер қоры: ғылыми журналдар, кітаптар және конференциялардың материалдары.